《巴士的報》署名Ariel的評論文章稱，政改展開第二輪諮詢開始了一段時間， 泛民擺出堅持否決方案的態度，政府就絕地出招，變身消息人士， 透露如果能有助通過方案，願意在提交立法會的政改決議案中，寫明 2022年行政長官選舉辦法，可按《基本法》 列明的切合香港實際情況及循序漸進原則作修改。
但政府消息人士講的2022年的特首普選的修改方向， 都唔係太出位，無話到時可以唔要提名委員會過半數提名， 只係話屆時可以探討候選人數目，例如可否由2至3人，增到3至4 人；1200百人的提名委員會可否增加人數，如果增加， 可研究加入新組別如青年組別等。
高人話，在人大常委會8.31決定不能郁的前題下， 政制三人組手上可以打的牌有限，當然唔可以有違8.31決定， 如何不斷放出「有得傾」的聲氣，就成為出招的關鍵。
「袋住先」是理性行為，但泛民話「袋住先」等如「係咁先」， 你接受咗個假普選方案，你就上當啦。政府消息人士拆局的方法是「 袋住先」不等如「係咁先」，未來仲可以再改進， 你唔信我可以講到明，至於點改其實是下次政制檢討的範疇， 將來慢慢傾。
高人話，政府呢招是無招變有招，未出人大8.31的框架， 但事實上又沒有提供什麼讓步，可以算是一個「下臺階」， 俾想轉的泛民去轉。問題是現在到底有多少泛民想轉/敢轉？在這種時勢，轉軚的政治風險好大喎，點解要轉呢？