生意淡薄，不離賭博。經營環境未見有起色，業務閒置，賭開錢的老闆時間多了，去澳門賭多一、二手的機會就大。近年澳門VIP廳場就多了這類客源，當中有不少是香港上市公司的高層人士，他們大多對百家樂情有獨鍾。正所謂長賭必輸，皆因要抽水。多間上市公司的老闆就係因為多玩幾手，搞到成身債。但家陣市場氣氛唔興炒股仔，所以這些欠債老闆就相當慘情，有就索性自己操盤炒番轉，希望捉到啲盲毛。

　　坐艇變坐遊船

　　上次講到隻「一世狗」，口痕友話，傳聞停牌期間有人問圍村某某大人，此君高調話仍然未算高，因為我唔同意造「賤價批盪」工程，放心。語後復trade，價錢無大起色，坐艇的信徒漸漸變成坐遊船，近日落到5毛，全部變成坐「航母」(行無)，個個輸到阿媽都認唔到。但八卦阿叔卻持有相反意見，話佢用交場為藉口炒呢轉，如果事後落實換boss，肯定「一世狗」可以變回人形兼會快高長大，值得趁低吸毒。但如果係事後取消，就係大寒民國風景區——明洞。雖然可龍可蛇，亦要讚句此君手段當真「高章波」。

　　純傳聞