首页 > > 2675

林太“背后嘅女人”系“鐵娘子”

2017-03-28
来源:大公網

  圖:林鄭月娥尋日走訪港九新界,所到之處都被市民要求合照 大公網記者何嘉駿攝

  林鄭月娥前日在行政長官選舉中高票大勝,將成為香港首位女特首。尋日馬不停蹄落區見市民,林太“背后嘅女人”令人眼前一亮。呢位Madam大有來頭,佢叫葉君幼,綽號“阿油”,加入警隊前系全職運動員,曾在亞洲錦標賽中奪得三項鐵人亞軍,2011年加入警隊負責巡邏和報案室工作,2013年4月成為機場特警(ASU),系當時唯一嘅女機場特警。鄭晴當年曾經訪問過佢,覺得佢非常硬凈同自信,佢更講明與男同事系“平起平坐”,名副其實系一名“鐵娘子”,難怪配得上“好打得”嘅林太!

  據悉,警隊暫時只有“阿油”一位Madam保護林太,G4總共幾多位女警就涉及保安機密不方便公開。不過鄭晴問過警隊朋友,作為特首嘅近身,男女要求系一視同仁,除咗體能要求非常嚴格,亦要夠細心、警覺性高、一眼關七、語言能力好,仲話平時佢哋操得好fit,要佢哋日日一身西裝,其實都幾辛苦咁話。

  真正修補撕裂 競選隊伍團結不同陣營

  圖:為林鄭站臺的一班后生仔,有不同派別陣營理念嘅人,林太用行動證明修補社會撕裂

  候任女特首林鄭月娥講明要“修補撕裂”,絕對唔系口號咁簡單嘅。嗱,《蘋果日報》尋日開始玩起底咁話,為林鄭站臺的一班后生仔,驚見“黃絲”,其中有參加過“佔中”的,又有參選過大學學生會的,仲有“學民仔”,逐一點名細數。系人睇到都話毒蘋果又玩挑撥、抹黑把戲。

  起底報道當中加咗“變節”啊、什么“華麗轉身”等標籤化形容之外,又搵來諸如香港眾志的黃之鋒,大談對有學民仔入建制“好失望”咁話,鄭晴聞到一陣酸味,攻鼻到令人想嘔,對呢啲爛蘋果玩慣玩熟的腦殘言論,鄭晴真系覺得好好笑啰。

  林太與青年同行,要修補社會撕裂,其實都是講出當前社會大眾的心聲。佢嘅站臺者中有不同派別陣營理念嘅人,就是行出咗第一步,亦證明林太是行動派,如果更多年輕人都能夠睇清楚社會撕裂的百害無一利,有勇氣站出來,鄭晴真心覺得團結前行一片光明。

  陳健波:“三七”為港止血散瘀

  圖:波哥話希望林太接任特首后,能夠好似田七咁,為香港止血散瘀

  林鄭月娥以777票高票勝出第五屆行政長官選舉,仲將會成為香港第一位女特首。唔少市民都對“777”呢個靚冧巴有唔同解讀,就連保險界立法會議員陳健波(波哥)都要拍片分享嚇自己嘅獨到見解。佢話,“三條七”令佢聯想到一種中藥喎,仲話而家香港好需要添,究竟系咩嚟呢?

  波哥話,自己對中醫好有興趣,“777”令佢聯想起中藥“三七”,即系一般人經常叫嘅“田七”。田七有散瘀、消腫、止痛嘅作用,有“止血不留瘀,化瘀不傷正”嘅特點。

  咁田七同香港又有咩關系呢?波哥話,血流不暢就會有痛癥,香港亦都一樣,現時積壓咗大量問題,社會撕裂等同“流血”,社會內耗就等同有“瘀血”。

  佢希望林太接任特首一職后,能夠好似田七咁,為香港止血散瘀,“打通香港嘅血脈,香港先至會有運行!”

  故地重游探公務員同事

  政府總部對于喺政府任職36年嘅林鄭月娥嚟講,真系熟悉到不能再熟悉。離開了兩個幾月,林鄭月娥昨日“故地重游”,當選翌日即返回“非常熟悉嘅特區政府總部”,與行政長官及一班舊同事見面。

  林鄭月娥九點鐘與特首梁振英會面,但佢一早已到候任行政長官辦公室,與辦公室嘅同事開了一個小會議,反映出候任特首辦的高效和專業精神,難怪她一如既往地對“呢支優秀嘅公務員隊伍充滿信心”,希望未來五年緊密合作,為市民服務。

  相信市民聽到都很安心,這么重視公務員團隊的林太,一定可以充分發揮隊伍的高效同專業,為香港創造出一片美好的未來。

[责任编辑:蒋璐]
网友评论
相关新闻