社民連成員、前立法會議員「長毛」梁國雄今年4月被人用尖錐刺中右腰。涉案八旬老翁被控一項襲擊致造成身體傷害罪，他17日在東區法院認罪，但強調自己是「替天行道」，因梁國雄「喺香港搞搞震，喺中國搞事」才出手施襲。裁判官指，老翁雖年屆81，但依然行動敏捷，指他「似乎熱愛社會」，因政見不合才導致犯案，決定將案件押後至10月13日，以衡量老翁是否適合接受社會服務令，並準他以原有條件擔保。

　　案件原定要開審，裁判官問被告黃森球是否認罪，黃回應稱「認又得，唔認又得，總之搞壞我哋中國地方就唔得」，但最終認罪，強調自己是「替天行道」，指「無論係咪梁國雄，係皇帝都照搞！」

　　裁判官問「睇片見你身手都好靈活喎」，被告回應稱「鄉下舊時好多蛇捉㗎嘛，食蛇羮蛇粥食到身體咁好咋嘛」。

　　被告強調他「係為大家好，唔係為自己好，我80幾歲人有咩所謂啫」，稱自己「無槍」，又否認有對梁國雄使用暴力，更稱「許智峯、黃之鋒佢哋兩個都要死，遲早！」

　　裁判官即提醒被告「我哋中國人有句說話叫做己所不欲、勿施於人吖嘛，明唔明白？」

　　81歲被告黃森球被控於今年4月16日，在西營盤干諾道西均益大廈三期外襲擊梁國雄。

　　案情指梁國雄當日下午1時在中聯辦外參與公眾遊行及集會，並在下午3時左右在均益大廈第三期外受訪。有媒體當時正訪問梁國雄，被告突然從後走近，用「銀色、類似鑿的物體」插向梁國雄右腰窩。

　　被告在警誡下承認「啲人喺香港搞搞震，喺中國搞事，我係嚟教訓佢，等佢知道好多人唔鍾意佢。」梁國雄其後送院檢查，發現右腰窩有擦傷。