港澳
有片 | 林錦公路交匯處2暖男攙扶老婦過馬路
2021-11-25 17:51:42原創 來源:香港商報網 責任編輯:赵桐曲

 昨日(24日)上午9時許,2名男司機駕車行經大埔林錦公路交匯處,看見一名年近8旬老婦在馬路上行走,期間更橫過馬路,險象環生,2人先後落車攙扶,讓老婦安全返回行人路,網民讚揚2位暖男無私付出:「好心有好報。」

 短片上載後,拍攝的司機留言:「我係片主:我又(在)迴旋處轉出之後,睇到有車打死火燈,本來我都以為前面司機壞車,之後我都打死火燈開慢啲,直到安全情況下停車,停定後先見到有個婆婆行得好慢咁過對面馬路,之後前面師兄見到左邊有車黎緊,佢諗都無諗就落左車跑去婆婆度,其實過(果)下真係好危險,好彩大車睇到佢地兩個,後來師兄走我都未放心婆婆,因為婆婆重係馬路旁邊行緊,之後都等婆婆行返上行人路我先開車離開。」

 網民看後盛讚2人:「咁樣先至係獅子山精神,抵讚。」「好心有好報,果個迴旋處落嚟啲車都頗快,兩位司機無私付出值得讚!」「呢幾日咁多負面嘅交通消息,終於有番啲正能量,感動到喊出嚟。」「睇番啲正面野,個心舒服好多。」但因現場路面車流縱橫交錯,在馬路上突然停車和落車都會造成危險,有網民留言好心勸喻:「請不要魯莽鼓勵別人去冒險,每個情況都不同,每個生命都重要,希望幫人的司機好人有好報,下次要萬分小心,巧驚驚。」(記者 區天海)

香港商報版權作品,轉載須註明出處。
掃碼瀏覽
分享