今晚（10日）8時，港隊將首次於啟德主場館迎戰印度，爭勝亞洲足協亞洲盃外圍賽第三輪！啟德體育園推睇波攻略，讓球迷感受「主場力量」。

啟德體育園在社交平台撰文表示，這場比賽的5萬張門票已經一掃而空，現場氣氛肯定熱情澎湃，萬人齊心為港隊加油，而為了讓球迷們全情投入，啟德體育園教各位球迷5招撐港隊，睇波加倍精彩！

1. 中央廣場與充氣波衫打卡

賽事限定的打卡位隆重登場，球迷們可以到中央廣場，與3米高巨型港隊充氣波衫打卡。 

2. 穿上波衫撐港隊

主場作戰，當然要穿上港隊波衫，凝造一片「紅海」為港隊打氣！入場前可以到啟德零售館2 NIKE買港隊波衫，或者到中央廣場或啟德主場館啟慶匯買其他官方應援商品。注意，球衣僅於6月10日中午12時限量發售，每人限購一件，數量有限，售完即止。

⁣

3. 開波吃喝 炒熱氣氛 

開波前小酌怡情，炒熱睇波氣氛，入到場自然呼聲更高漲。 

4. 背熟口號撐港隊 

香港忠實球迷一定識《We are the Hong Kong Boys》，你都背定兩句入場，打氣更投入！ 

5. 賽後吃喝 延續熱情 

睇完波可能都有少少餓，一於跟波友到啟德零售館及運動健康中心下場，回味精彩球賽。

賽事將於下午5時30分開始安檢，並於下午6時開放入場。注意：任何容量的水瓶及容器（不論附帶瓶蓋與否）均不得帶入場內。現場亦禁止攜帶專業相機及攝錄器材。

球迷提早排隊入場