葵芳一商場日前有一名3歲男童搭扶手電梯時不小心跌倒，褲管被捲入電梯罅隙，懷疑陰囊亦因此被扯入，受傷流血嚎哭，事後由救援人員送院搶救。

    網民上載圖片，並留言指：「麻煩各位大人，好好睇住身邊既小朋友，話說尋日係商場，小朋友同個大人一齊搭扶手電梯，小朋友唔知做咩仆親，卡住咗條褲喺扶手電梯個出口位度，然後條褲扯咗小朋友個陰囊落電梯位，目測開放性傷口，見到粒蛋塊皮夾爛咗，成個大髀都係血，個小朋友喊到癲咗，我係大人見到都覺得好痛好痛，現場有途人報警，救護車好快就到咗，希望所有大朋友唔好掉以輕心，馬路附近或者危險位一定一定要拖住小朋友，唔好掛住撳電話please，一次意外，抱憾終生。」

    警方表示，5月3日下午5時17分接獲葵芳廣場保安報警，指一名3歲持雙程證男童，在其外婆陪同下搭乘商場扶手電梯，就到達時不慎向前傾倒，褲被夾於扶手電梯梳齒板之間，下體受傷流血，被送往瑪嘉烈醫院治理，事件列「有人意外受傷」處理。（記者 區天海）