港姐三甲，中間為Juliette。圖：視覺中國

　　【香港商报网訊】2017香港小姐三甲昨晚誕生，賽前被睇高一線的8號伍樂怡大熱倒灶，在泳裝答問環節中表現緊張，五強止步。芳齡23歲的5號雷莊(Juliette)最終坐上冠軍寶座，加上奪得「最上鏡小姐」，成為雙料冠軍。不過，不少網友就對於結果大感失望。而有「翻版李若彤」之稱的8號伍樂怡大熱倒灶，入唔到三甲，令不少網民都大嗌可惜。

有「翻版李若彤」之稱的8號伍樂怡

        今屆賽制有新玩法，首先宣布４號黃瑋琦奪得季軍，而冠軍及亞軍則由8位評判投票決定，票數打和則由鄭裕玲作最終決定。 有網民質疑今年港姐選舉制度有問題，兒戲到不得了。不禁令人聯想到，2012年TVB搞全民用手機投票選港姐，結果搞到冧server（即當機），結果令朱千雪慘失桂冠。

　　Juliette曾作為模特為內衣品牌拍攝宣傳照。圖：IG

　　唔覺唔覺，2017年香港小姐選舉已經落幕，5號Juliette成為新一屆港姐冠軍，不少網民對結果表示詫異，有網友笑指Juliette棚牙太哨、講中文又麻麻，網上更掀起改圖熱潮。「5號連中文都唔識，仲話住咗香港10年」、「5號今晚好sharp夠台型，由出場開始佢每套衫都係最靚最搶眼！但佢個樣我真係唔識欣賞！」、「細哨攞冠軍，真係咁都得」，對於Juliette在奪冠，不少網友在網上熱議。

　　Juliette在加拿大大學畢業，職業是演員，身高5尺7吋，Juliette賽前抽中試戴冠軍后冠，最終打破港姐魔咒勇奪雙料冠軍，她滿意表現，亦知在問答環節失分，由於不希望有壓力，沒有多想自己中文欠佳。

　　港姐五強。圖：視覺中國

　　所謂各花入各眼，話不多說，睇睇網友的反應：

　　雷莊兒被笑指雷莊兒棚牙太哨，似足《踩過界》中「癲姐」蔡思貝的哨牙Look。再睇睇網友的改圖：

　　以上為網友改圖

       來自多倫多的雷莊兒，原來爸爸雷葆文是香港的十大傑出設計師， 人稱「設計多面手」，而且身家十分富有，香港及海外都擁有物業，在商界有頭有面。雷莊兒曾表示父親十分支持她參選，當然她自己都十分有料到，作為唯一的海外突入佳麗，曾做過模特兒，身材十分惹火。

      歷屆港姐冠軍其實都有不少爭議性，一齊來睇下。

 
1993年冠軍 莫可欣

93年港姐冠軍莫可欣，最為人所熟悉就係佢嫁咗俾方中信。當年參選時，有市民以李嘉欣作標準，評莫可欣最多只有六十分。決賽之後，外界有傳因為當屆評判之一的成龍，因為欣賞莫可欣高學歷而力推佢稱后，力壓當年大熱門郭可盈，觀眾屋企一地眼鏡碎。

2007年冠軍 張嘉兒

07年，張嘉兒（上圖中）以闊面豬膽鼻加中量級身材爆冷勝出，之後廣管局更接獲多宗「賽果不合理」的投訴。網民狠狠批評為「最醜樣港姐」，更用「豬扒」去形容她。

2008年冠軍 張舒雅

張舒雅（上圖中）被喻為歷年「 hea爆」港姐冠軍，除參選期間被踢爆飲酒煲煙兼與補習天王男友趙永康（ David Chiu）當街攬攬錫錫，有損港姐一貫端莊形象外，張舒雅更多次詐病推 job，甚至先後以健康出問題為由退選世界小姐及國際中華小姐，激到TVB決定將她打入冷宮無限期雪藏。

2012年冠軍 ﹣ 張名雅 

張名雅（上圖中）挾着張堅庭侄女之名參選，賽前已爆出不少負面新聞，加上當年是無綫首次舉行「全民投票」選冠軍。不過系統當晚癱瘓失靈，需改由現場五位評判投票選出。而原本呼聲極高的朱千雪最終只獲得季軍，張名雅就在不被看好的情況下獲得冠軍，爭議性十分高。