網上瘋傳男子巴士上看AV片的影片，已逾60萬人瀏覽。樓主以：「Ching唔好啦，隔離仲坐左個女仔。」為題發片。一名戴口罩男子在巴士上層持着手機，播放AV片段，竟旁若無人。片中雖拍不到坐在他身旁的女子，但有網民留言怒罵，說該男子專擇女乘客並坐其鄰座播片。

    有網民憶述：「X！朝早搭263見過呢條友，佢會得登坐女仔隔離，佢之前坐過喺我隔離兩三次我一開始以為無咩野，但佢會轉埋個頭望住你睇下你咩樣，然後瞓覺唔知係咪借啲意捱埋黎（不過無掂到，但比我個feel就係好嘔心，同埋睄到佢會放大啲女嘅相黎睇，之後幾次搭車見到佢坐我隔離我會即刻掉另一個位，然後條友又跟着即刻掉位甚至坐埋樓上，無諗過咁撚癡線睇埋av……」

    另一網民激烈回應，並上載圖片：「X啊，呢條撚樣慣犯嚟有三次搭同一架巴士同一個時段火炭夜晚嗰班車七點落返沙田。總站開車，無乜人搭同埋上車，勁多位的，佢特登坐我隔籬。（巴士底層最後排）第一次佢坐我隔籬都算，跟住無啦啦扮瞓覺挨落嚟 ，即刻彈起身坐對面。（巴士底層最後排)第二次佢隔開咗一個位坐，第三次見到佢跟住我，特登坐喺雙排位，坐出邊走廊位，架車九成空。之後，佢特登行埋嚟同我講，唔該借借，跟住我起身俾佢入去，然後我轉身行去其他位坐，跟住佢即刻擰轉頭望我坐邊，隔籬坐咗女仔，感覺佢係特登播嗰條片嚟睇女仔反應吧，頂變態佬！躝翻翻屋企先睇啦！」其他網民留言譴責：「死變態佬！」、「搵個男人上前XX佢啦！！」、「報警啦！拉得架！」

    在公眾地方 播放不雅物品需負刑責，定義是無論是「蓄意給他看」還是「在公眾地方觀看時不小心被看見」，法律上都有機會被界定為展示（Exhibiting），進而觸犯法例。

    根據香港法例第390章《淫褻及不雅物品管制條例》，禁止向青少年發布任何人均不得向未滿 18 歲的人士發布不雅物品，包括向公眾人士展示、播放、展露或傳達物品內容。在巴士、地鐵等公眾地方播放或觀看物品時，若身旁青少年能看見內容，即可能構成「向青少年發布」的罪行。違例者首次定罪最高可被罰款 40 萬元及監禁 12 個月。（記者 區天海）