有宏福苑大火災民在網絡群組發文，分享暫住皇家太平洋酒店的好人好事，指酒店既會安排三餐及洗衣，同時會安排接送小孩上學放學，對此很感激；又感謝出手協助的義工，感受到香港人的愛及支持。

    該名災民表示：「首先，衷心多謝皇家太平洋酒店嘅各位員工、管理層同經理！喺我哋宏福苑居民遇到困難嘅呢段時間，你哋嘅關懷同幫忙，令我哋覺得好溫暖。多謝你哋為我哋安排好每日三餐，幫手洗衫，仲專登安排車接送小朋友番學放學，又特登送玩具上房畀我嘅小朋友，令佢喺呢段時間都可以好開心。你哋咁細心同周到，我真係好感激！」

    該名災民又感謝義工：「要特別多謝喺東昌街識到嘅義工阿Yen！當時我喺東昌街門口，你主動行埋嚟問我係咪需要車，唔單止免費車我上酒店，仲幫手拎物資，搬埋上酒店。更加難得嘅係，你跟住仲想幫埋其他宏福苑嘅居民，由你聯絡義工、我聯絡居民，一齊協助我哋安排需要嘅物資同埋免費接送。你真係好有心，好幫得手！」

    該災民更說：「喺度，我向皇家太平洋酒店同義工阿Yen講聲真係好多謝！你哋嘅幫忙，唔單止解決咗我哋宏褔苑居民實際嘅需要，更讓我哋感受到香港人既愛同支持。多謝晒，祝你哋一切順利，好人好事常伴左右！」（記者 林駿強）

    頂圖：有災民分享在酒店暫住的經歷。網絡群組圖片

    災民感謝酒店員工的安排。網絡群組圖片