本港昨日連場暴雨，有網民上載短片，3名市民在巴士站冒着大雨候車時，路面有泥頭車駛經，濺起路邊大量積水，仿如浪擊拍打3人，他們可能在較早前已不斷有車輛經過「浪花四濺」，已及早蹲下並撐起雨傘躲避，但在雨水「上下夾攻」之下無處走避，亦難逃全身濕透。
樓主上載短片抱怨：「落雨時最多呢啲PK。」網民回應卻意見不一：「你唔鬧管理渠務排水，反而講車輛。對事唔對人啊。」「可以告不小心駕駛！」「十幾年前已經係，巴士最多，但又咁講，點解唔鬧清潔工人？咁鍾意掃樹葉落渠口？唔通叫架大車過線去對面咩？」「其實落咁大雨能見到好低，唔係話見唔到前面兩邊有人，有時望得前嚟後面唔知會唔會有車跟得太貼，失驚無神收慢，隨時累死後面。」「仲要係大車，無落雨都唔係話收就收啦。」「唔洗錢有滑浪飛船嘅感覺，仲想點？」「好難避免架，你突然收慢火後面發生咩事都係未知之數。」（記者 區天海）
電話：（香港）852-2564 0768
（深圳）86-755-83518792 83518734 83518291
地址：香港九龍觀塘道332號香港商報大廈
