28歲名媛蔡天鳳（Abby Choi）疑遭殺害肢解案第10日審訊。蔡天鳳母親張燕花憶述，女兒於2023年2月21日失蹤後，她曾多次致電鄺港傑及鄺港智查問女兒下落，惟鄺港傑稱蔡天鳳「去咗飲酒啦，約咗朋友」，鄺港智得知她報警後則斥責「X街啦，報警都唔話俾我知」。

張燕花供稱，2023年2月21日下午約2時，她與蔡天鳳最後一次通話，當時蔡天鳳表示要到學校接次女放學，兩人其後終止對話。

當晚，張燕花接到譚方駿來電，對方問「姐姐（蔡天鳳）係咪同你一齊」，她表示沒有，之後嘗試致電蔡天鳳，但電話無法接通。

張燕花得知女兒失蹤後，隨即致電鄺港傑，問「姐姐去咗邊」、「姐姐唔係接細路仔咩」。鄺港傑起初稱「我唔知呀」，又指蔡天鳳「同人地打電話嗌交，好嬲」、「講好多海南話，跟住落咗車，走咗啦」。

張燕花追問蔡天鳳是否去接女兒，鄺港傑則稱「Abby話佢有事喎」、「突然間唔得閒」。

張燕花其後再致電鄺港傑，不斷追問蔡天鳳下落。鄺港傑改稱蔡天鳳「去咗飲酒啦，約咗朋友」。張燕花追問蔡天鳳究竟在學校落車還是在大埔落車，鄺港傑的說法反覆，一度稱在大埔落車，一度稱在半路落車。

鄺港傑又對張燕花說「唔使驚啦，你放心啦，佢飲醉酒，聽日會返嚟㗎啦」。張燕花質疑女兒「都唔識飲酒」，並追問次女由誰接走，鄺港傑回答「我叫我阿媽接咗返屋企啦」。

張燕花憶述，鄺港傑當時「好嬲」，稱蔡天鳳已是成年人，翌日會自行回家，又說「我要瞓覺啦，唔好再打嚟」。

張燕花供稱，蔡天鳳「好有交帶」，而且不喝酒，但當晚失蹤7至8小時，她一直無法聯絡女兒，而身為司機的鄺港傑亦無法清楚交代蔡天鳳在哪裏下車，因此她決定與譚方駿一同到警署報案。

張燕花在警署致電鄺港智，告知「阿囡唔見咗，我依家報警啦」，鄺港智則激動斥責：「你X街啦！報警都唔話俾我知。」張燕花反駁：「你仆街啦！我個囡唔見咗！我報警關你咩事。」

張燕花又憶述，她當晚沒有聯絡鄺球，曾與李瑞香通話，但認為對方完全沒有關注蔡天鳳失蹤一事。她其後致電鄺港智，質疑「係咪你老豆攞佢去邊度啊？捉咗囡囡呀！」

張燕花解釋，蔡天鳳從未得罪任何人，只是因賣樓一事與鄺球爭執，鄺球曾揚言要打要殺，因此她懷疑是鄺球所為。她形容鄺港智接聽電話時的反應「好恐怖」，並認為對方「唔想我報警」。

張燕花供稱，她曾向鄺港智表示：「我個囡唔見咗，你唔覺得唔尋常咩？係咪你同你老豆捉走咗佢？」

鄺港智則建議她慢慢等蔡天鳳回家，「唔洗咁快報警」。張燕花再說「肯定係你哋兩個攞佢去邊度」、「係咪你同你老豆捉走咗（蔡天鳳）」，鄺港智只回應：「點解你咁講呀？」

案件中，鄺港傑、鄺球及鄺港智同被控一項謀殺罪及一項阻止合法埋葬屍體罪。控罪指，3人於2023年2月21日在大埔汀角路龍尾村56B村屋地下內謀殺蔡天鳳，並於同日至2月23日期間，在同一地點阻止合法埋葬蔡天鳳的屍體。3人均否認謀殺罪；鄺港傑及鄺港智承認阻止合法埋葬屍體罪，鄺球則不承認該罪。

頂圖：鄺球（左）、鄺港智（右）