柯創盛揮毫, 福字揮春贈街坊。
【香港商報网訊】鼠年將至,民建聯立法會議員柯創盛(柯仔)過去一周在九龍東派發揮春,更邀請了書法師傅到場寫揮春,居民「要咩有咩」,即場攞走。
柯仔更應街坊要求,首次在人前即席揮毫,親自題寫「福」字。
「處男」寫揮春的柯仔自言,手字雖比不上專業的書法師傅,但勝在一份心意,希望為街坊送上祝福,亦感恩得到街坊的一致捧場,令柯仔相當「發市」、無停手的一口氣寫了數十張揮春。
在寫揮春期間,柯仔更被人揭發一個「童年陰影」。一位眼利的街坊發現柯仔用左手寫字,是「左拗」(左撇子)的。原來柯仔自細就習慣用左手寫字,當時柯媽以為柯仔奇奇怪怪,同其他小朋友唔一樣,就不停對柯仔「藤條炆豬肉」,要其改回用右手。不過,最後柯仔都是改唔到,直到今時今日都是「左拗」。