昨日（7日）下午1時30分，有網民在社交媒體上載影片：「有位坐電動輪椅既伯伯，係屯公新墟附近逆線行駛，Cam主已經報警，希望位伯伯無事啦。」

    當時有乘客在巴士內，目睹整個救人過程，好心車長停車接載了該名輪椅老翁，成功阻止交通意外的發生，卻換來部分乘客不滿，網民紛紛留言表示贊揚車長見義勇為。

    該名乘客帖文說：「話說坐58X，行到紅橋中途停車咗一段時間，原來係司機見到呢個電動輪椅伯伯逆線行車中，所以好心推咗阿伯上車，仲問佢去邊度應該係送佢一程。唔知係因為已經有其他車見到阿伯咁樣報咗警，加上架巴士唔生性，咁就死咗火郁唔到……

    結果成車人唯有轉車，亦都好快有58M同58X接載咗我哋呢班乘客。但係途中有兩個中年阿叔狂罵巴士司機唔岩，多事，累街坊要成車人轉車等等……

    其實如果唔係司機推咗阿伯上巴士，喺車來車往嘅馬路上面，分分鐘就有命案發生。司機選擇咗打死火燈救起阿伯先再開車。讚。

    最後唔知巴士司機會唔會比乘客投訴或被公司追究……希望司機好人事事平安 ，有你揸巴士我哋就繼續安心坐啦。事情一下子只係快速影咗一張相。」

    網民亦留言：「值得表揚！果兩個中坑趕住去投胎咩？咩事緊急得過救人？」、「司機在於人情上無錯，有TA大家有排返唔到屋企，至於2個中坑就好老土。」、「岩呀，邊個撞邊個或邊個比人撞都係煩，不過司機起碼阻止咗呀伯撞車嘅危險先。」，「麻煩打去九巴表揚佢！」、「可能就因為個司機好心停車，成車人先無事，架車行行吓突然死火就危險喇！」（記者 區天海）